No máis profundo da fraga, entre muiños, canastos e ruinas encantadas; alí onde os finos raios de sol se filtran entre as árboles centenarias, o musgo abraza as rochas e as enredadeiras reclaman o seu territorio cubrindo antigas pedras, as Cozy Witches teñen o seu fogar.
Cada meiga nace cunha faísca única dentro do seu propio grupo.
-
Cociñeiras
Están as Cozy Witches cociñeiras, reconocibles pola culler que sempre levan na man. Elas coidan de todo e de todos: unas cociñan, outras preparan pocións, ungüentos, pomadas… incluso cremas hidratantes.
-
Pintoras
Tamén temos as pintoras, que portan un pincel e gardan cores nos seus bolsos. Son as responsables de todo o que florece: con seu toque, as plantas espertan e as árboles crecen.
-
Escritoras
Non faltan as escritoras, sempre cunha pluma na man. Elas dedícanse a contar historias, porque na fraga todo, absolutamente todo, ten una historia que merece ser escrita.
-
Variteiras finas
Coa súa variña fina e elegante practican unha maxia sutil: moven o vento, controlan o lume, afinan a luz.
-
Variteiras toscas
Portan variñas simples e retoras coma polas antigas. Traballan cunha maxia máis basta e primitiva, que vibra coa terra e co sangue das árbores.
-
Xardineiras
As xardineiras portan unha flor e son as gardiás das estacións. Saben o que debe crecer en cada momento do ano e ocupanse de que a fraga respire ao ritmo correcto: plantan segundo o ciclo, coidan o que florece e preparan a terra para o que está por vir.
-
Reposteiras
As reposteiras de piruleta morada son o corazón cálido da fraga. Coma unha avoa que coñece todos os remedios, miman á súa familia con postres caseiros cheos de amor. As súas receitas non son exactas, son sentidas: unha pitada disto, un puñado daquilo, e sempre, sempre, un ingrediente secreto que só elas coñecen.
-
Pasteleiras
As reposteiras de piruleta rosa son as artesás do doce refinado. Coma as variteiras elegantes, traballan con precisión milimétrica: receitas exactas, sabores pulidos, presentacións impecables. Nas súas mans, a repostería convértese en arte. Non improvisan, perfeccionan.
-
Voadoras
As voadoras portan a súa vasoira con orgullo e gobernan os ceos da fraga. Desde as alturas vixían todo: que o fogar estea a salvo, que a paz reine entre as árbores, que os humanos non se aventuren máis alá dos sendeiros. Son os ollos da fraga, e nada se lles escapa.
-
Recén licenciadas
E para rematar, pero non menos importantes, están as Cozy Witches recen licenciadas. Recoñéceselles porque presumen do seu título, que levan a todas partes. Son as máis novas e aínda non saben quen son; aínda deben descubrir o seu grupo e a faísca que as define.
A Chama Eterna
Durante séculos, todas elas protexeron o equilibrio da fraga, mantendo viva a Chama Eterna da Vida, unha maxia antiga que só responde a corazóns bondadosos.
Co seu bo facer dominan a luz, falan cos animais, tecen feitizos de protección ou boa fortuna e, en ocasións, conceden os seus dons a algún humano recen nacido.
Os seus sorrisos
As súas vibrantes personalidades reflíctense nos seus sorrisos, que sempre chegan aos ollos. Con todo, o matiz de cada sorriso as distingue.
-
Algunhas mostran todos os dentes, intentando ocultar trasnadas ou pequenas desfeitas froito da súa curiosidade.
-
Outras sorrín cunha expresión felina, pechada e satisfeita, seguras do que fan e do que son.
-
As máis tímidas apenas ladean os beizos.
-
Outras conteñen o sorriso porque non lles gusta ser o centro de atención, aínda que gozan do recoñecemento.
-
Tamén están as do sorriso amplo e aberto: as máis inocentes, rebuldeiras e lambonas, sempre perseguindo abellas para roubarlles un pouco de mel.
-
E, por suposto, están as que expresan a súa ledicia cantando, coa boquiña en forma de O; todas elas, naturalmente, sopranos.
Os seus cabelos
A cor dos seus cabelos tampouco é casualidade.
-
Prateado — As máis sereas, capaces de aportar paz só coa súa presenza.
-
Rosa deportivo — Pura enerxía: ter unha preto é coma multiplicar a vitalidade por mil.
-
Vermello cadmio claro — Apaixonadas, volcadas por completo no que fan, ás veces desbordadas polas súas propias emocións.
-
Aureolin (amarelo) — Destacan pola súa intelixencia, aínda que ás veces se fan as parvas para evitar que as molesten con nimiedades.
-
Harlequín (verde vivo) — Excéntricas e independentes, as máis propensas a meterse en leas pola súa curiosidade innata; son, de certo xeito, as científicas da fraga.
-
Negro — Serias e centradas, sempre dispostas a axudar e a resolver problemas.
-
Aura azul — As máis espirituais e etéreas, cun vínculo profundo cos espíritos da fraga; sábese que unha está preto cando, de súpeto, parece que se entende o que o vento rumorea.
-
Laranxa filipina — As máis divertidas e falcatrueiras, cun corazón que non lles cabe no peito. Levan a ledicia alí onde van.
A Revelación
Agora, por primeira vez, as Cozy Witches decidiron mostrarse ao mundo humano. Cos seus chapeus, amuletos e cores, revelan os seus dons, as súas historias e os seus destinos.
Cada NFT representa unha meiguiña única, coa súa personalidade, a súa maxia e a súa misión.
Quen adopta unha Cozy Witch non só recibe arte: recibe unha compañeira máxica, unha gardiá e un pedaciño da antiga fraga encantada.
A fraga segue a latexar, igual que fixo durante séculos, gardando segredos que só se revelan a quen sabe mirar con ollos limpos. As Cozy Witches, agora visibles ao mundo humano, continúan o seu labor silencioso: protexen, crean, curan e celebran a vida en todas as súas formas.
Cada unha delas leva unha faísca única, un pequeno lume que non se apaga e que agora pode viaxar máis lonxe ca nunca. Quen acolle unha destas meiguiñas leva consigo unha historia viva, un vínculo coa maxia antiga e unha promesa de compañía.
Porque, mentres exista alguén disposto a crer, a escoitar e a coidar, a fraga nunca deixará de falar. E as Cozy Witches, agradecidas, seguirán respondendo.